«Ռուսաստանը տեսնում է ինտեգրացիոն միավորումներին հարված հասցնելու փորձեր»․ Ուշակով

Կրեմլում Հայաստանի շուրջ ստեղծված իրավիճակը գնահատել են՝ որպես Ռուսաստանի մասնակցությամբ ինտեգրացիոն միավորումներին հարված հասցնելու փորձեր։

«Ի դեպ, Հայաստանի քաղաքական և արտաքին տնտեսական տատանումների օրինակով մենք տեսնում ենք կանոնների վրա հիմնված կարգի հետևորդների համառ փորձերը՝ հարված հասցնելու ինտեգրացիոն միավորումներին, որոնցում անմիջականորեն մասնակցում է մեր երկիրը», — ասել է ՌԴ նախագահի օգնական Յուրի Ուշակովը՝ ելույթ ունենալով «Պրիմակովյան ընթերցումներ» ֆորումում։

Միևնույն ժամանակ, ըստ նրա, սերմանվում է պատրանքային պատկերացում, թե կարելի է վերանայել այն ժողովուրդների պատմությունն ու աշխարհագրությունը, որոնք դարերով ապրել են կողք կողքի և միշտ օգնել են միմյանց։ «Նայելով Ուկրաինայի շուրջ ստեղծված իրավիճակին՝ հասկանալի է, թե ինչ ողբերգության կարող է հանգեցնել այդ ամենը», - ասել է նա: