«ՀՀ-ն, հեռանալով ռուսական շուկայից, կկրկնի նույն սխալը, ինչ Մոլդովան»․ Օզերով

Հայաստանը, հեռանալով ռուսական շուկայից, կկրկնի նույն սխալը, ինչ Մոլդովան, РИА Новости-ին ասել է Քիշնևում Ռուսաստանի դեսպան Օլեգ Օզերովը։ «Իշխանությունների ջանքերով (Մոլդովայի իշխանությունների․ խմբ.) վերջին տարիներին ռուսական շուկայի մասնաբաժինը տարբեր ապրանքախմբերի դեպքում 20-30%-ից հասցվել է 2%-ի։ Ռուսաստանը դրանից ոչինչ չի կորցրել․ պարզապես սկսել է նույն ապրանքները գնել Թուրքիայից, Ադրբեջանից, Վրաստանից, Հայաստանից և այլ երկրներից։ Հիմա, կարծես, Հայաստանը ևս ցանկանում է կրկնել նույն սխալը։ Մենք նրանց, ինչպես ասում են, ոչ այնքան հաջողություն ենք մաղթում, որքան իրենց ազգային շահերի և հնարավորությունների գիտակցում»,- ասել է Օզերովը։