«ՌԴ-ն բողոքի նոտա է հղել ՀՀ-ին՝ խորհրդային հուշահամալիրի պղծման կապակցությամբ»․ Զախարովա

Մոսկվան բողոքի նոտա է հղել Երևանին՝ կապված Գյումրիում Հայրենական մեծ պատերազմի հերոսների հուշահամալիրի պղծման հետ: Այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:

«Այս սրբապիղծ արարքը պարզապես խուլիգանություն չէ, այլ մեր երկրների համար ընդհանուր պատմական հիշողության վրա նպատակաուղղված հարձակում և Մեծ հաղթանակը պղծելու փորձ։ Իհարկե, մենք բողոքի նոտա ենք հղել հայկական կողմին», — ասել է դիվանագետը։