Պերուում ավտոբուսի վթարի հետևանքով 11 մարդ է զոհվել

Պերուում ավտոբուսի վթարի հետևանքով տասնմեկ մարդ է զոհվել, հայտնում է El Comercio-ն։

«Real Chancas ընկերությանը պատկանող ավտոբուսը, որը երթևեկում էր Պուկալպա–Լիմա երթուղով, կեսգիշերին դուրս է եկել ճանապարհից՝ Ուանուկո նահանգի Էրմիլիո Վալդիսան շրջանի մերձակայքում։ Վթարի հետևանքով զոհվել է 11 մարդ, իսկ 19-ը ստացել են տարբեր աստիճանի վնասվածքներ», — ասվում է հրապարակման մեջ։

Նախնական տեղեկություններով՝ ավտոբուսի վարորդը քնել է ղեկին և կորցրել է կառավարումը շրջադարձի ժամանակ։