Ֆինլանդիան չեղարկել է միջուկային զենքի ներմուծման և արտադրության արգելքը

Ֆինլանդիայի խորհրդարանը վերացրել է միջուկային զենքի ներմուծման, արտադրության, պահպանման և օգտագործման արգելքը:

125 անդամ քվեարկել է փոփոխությունների օգտին, 61-ը՝ դեմ, իսկ 13 անդամ բացակայել է: Պաշտպանության նախարար Անտի Հականենը բացատրել է, որ նոր կանոնակարգերը վերաբերում են միայն «ազգային պաշտպանությանը վերաբերող» իրավիճակներին: Մնացած բոլոր դեպքերում միջուկային զենքի պահպանումը և ներմուծումը կմնան արգելված:

1987 թվականի Ֆինլանդիայի միջուկային էներգիայի մասին օրենքը արգելում է միջուկային զենքի ներմուծումը, արտադրությունը, պահպանումը և պայթեցումը: Փոփոխություններ են առաջարկվել այս տարվա ապրիլին: Միևնույն ժամանակ, Ռուսաստանի արտաքին գործերի նախարարությունը հայտարարել է, որ Ֆինլանդիայում միջուկային զենքի առկայությունը հաշվի կառնվի Ռուսաստանի ռազմական պլանավորման մեջ: Ֆինլանդիան ՆԱՏՕ-ի անդամ է 2023 թվականից: Այս ամռանը Ֆինլանդիայի իշխանությունները նախատեսում են ավարտել Ռուսաստանի հետ սահմանին ցանկապատի կառուցումը: Ցանկապատի վրա յուրաքանչյուր 20 մետրը մեկ կտեղադրվեն տեսախցիկներ: Ցանկապատի ընդհանուր բարձրությունը մոտավորապես 4.5 մետր է, ներառյալ հողի մեջ թաղված մասը և վերևում գտնվող մետաղալարը։