«ԱՄՆ-ի ու Իրանի միջև բանակցությունների նոր փուլը կսկսվի փոխըմբռնման հուշագրի ստորագրումից հետո»․ Արաղչի

Պատժամիջոցների վերացման և Իրանի միջուկային ծրագրի շուրջ հակամարտության կարգավորման հարցերով ԱՄՆ-ի և Իրանի միջև բանակցությունների նոր փուլը կսկսվի փոխըմբռնման հուշագրի ստորագրումից հետո։ Այս մասին հայտնել է Իրանի արտաքին գործերի նախարար Աբբաս Արաղչին։

«Իրանի և ԱՄՆ-ի միջև փոխըմբռնման հուշագիրը վերջնականապես համաձայնեցվել է կիրակի և առաջիկայում պաշտոնապես կստորագրվի՝ հավանաբար ուրբաթ, այն վայրում, որն ավելի ուշ կորոշվի։ Միաժամանակ կսկսվի Իրանի և ԱՄՆ-ի միջև բանակցությունների նոր փուլը՝ վերջնական համաձայնության հասնելու նպատակով»,- ասել է նա։

Ի սկզբանե որպես հուշագրի ստորագրման վայր նշվել էր Ժնևը։