Թրամփը չի բացառել իր մասնակցությունն Իրանի հետ հուշագրի ստորագրման արարողությանը

ԱՄՆ-ի նախագահ Դոնալդ Թրամփը չի բացառել իր մասնակցությունն ուրբաթ օրն Իրանի հետ հուշագրի ստորագրման արարողությանը՝ հավելելով, որ փոխնախագահ Ջ.Դ. Վենսն այնտեղ կլինի։
Երկուշաբթի օրն Իրանի արտաքին գործերի նախարար Աբաս Արաղչին հայտարարել է, որ Իրանի և ԱՄՆ-ի պատվիրակությունների ղեկավարները կարող են հանդիպել Շվեյցարիայում ուրբաթ օրը՝ հուշագիրն ստորագրելու համար։
«Կտեսնենք։ Ջ.Դ-ն այնտեղ կլինի», - լրագրողներին ասել է Թրամփը, երբ հարցրել են, թե արդյոք նա պլանավորում է մասնակցել արարողությանը։