Իրանը հարվածել է Հորդանանի ավիաբազայում գտնվող ամերիկյան կործանիչներին

Իսլամական հեղափոխության պահապանների կորպուսը (ԻՀՊԿ) հայտնել է, որ հրթիռային հարված է հասցրել Հորդանանի Ազրակի մոտակայքում գտնվող Մուվաֆաք Սալթի ավիաբազային, որտեղ տեղակայված են ամերիկյան կործանիչներ, հաղորդում է Press TV-ն։

«12 բալիստիկ հրթիռ թիրախավորել է ԱՄՆ F-35, F-15 և F-16 կործանիչներով հագեցած օբյեկտները, ինչպես նաև Ազրաք ավիաբազայի և դրա հրամանատարական կենտրոնի կարևոր ռազմական օբյեկտները։ Հաղորդվում է ինքնաթիռներին և ենթակառուցվածքներին հասցված զգալի վնասի մասին», - լրատվամիջոցը մեջբերում է Իսլամական հեղափոխության պահապանների կորպուսի հայտարարությունը:

Հայտարարության մեջ նշվում է, որ իրանական ուժերի գործողությունները «կշարունակվեն այնքան ժամանակ, քանի դեռ շարունակվում են ԱՄՆ-ի թշնամական գործողությունները»:

Ավելի վաղ հաղորդվել էր, որ Իսլամական հեղափոխության պահապանների կորպուսի ուժերը հարձակվել են Մերձավոր Արևելքում տեղակայված ամերիկյան ռազմաբազաների վրա՝ ի պատասխան ԱՄՆ-ի կողմից Իրանին հասցված հարվածների: