«ՌԴ-ն ՀՀ-ից չի ստացել պատասխան՝ թե դեպի ուր է շարժվում երկիրը»․ Զախարովա

Ռուսաստանը Հայաստանից պատասխան չի ստացել այն մասին, թե դեպի ուր է շարժվում երկիրը։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ Սանկտ Պետերբուրգի միջազգային տնտեսական համաժողովի շրջանակներում անցկացվող ճեպազրույցի ժամանակ:

«Ռուսական կողմի մոտ… առաջացել են օրինական հարցեր՝ իսկ դեպի ուր է շարժվում Հայաստանը…։ Ինչպե՞ս է այն պատրաստվում կատարել իր պարտավորությունները գործող կազմակերպությունների շրջանակներում…։ Այս հարցերի վերաբերյալ մինչև այժմ մենք որևէ հստակ պատասխան չենք ստացել», - նշել է նա։