«Հարվածներ են հասցվել ՌԴ-ի տարածքում գտնվող կարևոր օբյեկտների»․ Զելենսկի

Ուկրաինայի նախագահ Վլադիմիր Զելենսկին հայտարարել է, որ հարվածներ են հասցվել Ռուսաստանի տարածքում գտնվող որոշ կարևոր թիրախների ուղղությամբ: «Լավ արդյունքներ կան իրականցվող հեռահար գործողություններից։ Այս գիշեր հարվածներ են հասցվել Ռուսաստանի տարածքում գտնվող կարևոր օբյեկտների։ Դրանց թվում է Պետերբուրգի նավթային տերմինալը»,- նշել է նա։ Ուկրաինայի առաջնորդը հավելել է, որ հարվածի տակ է հայտնվել նաև Տամբովի մարզում գտնվող ձեռնարկությունը, «որը զբաղվում է ռուսական զենքի արտադրությամբ»: