«Թրամփը պահանջում է Իրանից՝ գրավոր ամրագրել զիջումները»․ #ABC
 ԱՄՆ նախագահ Դոնալդ Թրամփը պահանջում է, որ Իրանը գրավոր ամրագրի զիջումները միջուկային ծրագրի հարցում Վաշինգթոնի և Թեհրանի միջև նախնական համաձայնության շրջանակներում, հայտնում է ABC-ն՝ հղում կատարելով իր աղբյուրներին: Նրանց տվյալներով՝ Իրանի բանակցողները բանավոր հավաստիացրել են ԱՄՆ-ին, որ Իսլամական Հանրապետությունն ի վերջո կհամաձայնի մի քանի պայմանների, որոնք վերաբերում են իր միջուկային ծրագրին, սակայն ԱՄՆ նախագահը Սպիտակ տանը կայացած խորհրդակցության ժամանակ Թեհրանից ստացված երաշխիքներն անբավարար է համարել: Լրատվամիջոցը հիշեցնում է, որ ԱՄՆ-Իրան բանակցությունների թեման փոխըմբռնման հուշագիրն է, որը պաշտոնապես կերկարաձգի հրադադարը, կապահովի Հորմուզի նեղուցի աստիճանական բացումը և կսահմանի Իսլամական Հանրապետության միջուկային ծրագրի վերաբերյալ հետագա բանակցությունների ժամանակացույց: Նշվում է, որ անցյալ շաբաթ ԱՄՆ-ի և Իրանի բանակցողները համաձայնեցրել են համաձայնագրի նախագիծը, որը, նրանց կարծիքով, կբավարարի և՛ Թրամփի վարչակազմին, և՛ Իրանի իշխանություններին: Այդ տարբերակը, նշում է լրատվամիջոցը, ներառում էր Իրանի կողմից միջուկային զենք ձեռք չբերելու գրավոր պարտավորություն, բայց չէր պարունակում ընդհանուր միջուկային ծրագրի վերաբերյալ կոնկրետ պարտավորություններ: |
«Հրճվելու բան չկա, որ Ֆրանսիայում բողոքի ակցիաները վերածվել են թալանի ու ավերածությունների»․ Վարազդատ Հարությունյան
4601:06
«Նախկինում Հուսիկ Սահակյանի համար մղձավանջ կհամարվեր Վահագն Ալեքսանյանի կողքը կանգնելը»․ Էդգար Ղազարյան
8600:30
«ԵՄ ճակատագիրն ընդամենը երկու պետությունների ձեռքում է՝ Գերմանիայի և Ֆրանսիայի»․ Արա Պողոսյան
7700:06
Չնայած Ֆրանսիայում տեղի ունեցող անկարգություններին՝ Մակրոնը չի չեղարկել իր այցը Մերձավոր Արևելք
110Երեկ, 23:48
Լավրովը Թեհրանում կքննարկի ՌԴ-Իրան երկկողմ համաձայնագրերի իրականացման հարցը
98Երեկ, 23:42
«Երբեք չպետք է վստահել պաշտոնական տեղեկատվությանը». Թաթուլ Հակոբյան
74Երեկ, 23:18