«Սահմանափակումները քաղաքացիներին տրամադրում են ԵԱՏՄ-ի դեմ». Նիկոլ Փաշինյան

Կարծում եմ՝ դրանք սխալ քայլեր են, քանի որ մարդկանց ԵԱՏՄ-ի դեմ են տրամադրում: Որպես ԵԱՏՄ բարձրաստիճան պաշտոնյա՝ սա ինձ համար խնդիր է, բայց մենք կլուծենք այս բոլոր հարցերը։ Այս մասին հայտարարել է վարչապետ Նիկոլ Փաշինյանը՝ քարոզարշավի ժամանակ պատասխանելով ռուս լրագրողի՝ ՌԴ-ի կողմից հայկական գյուղատնտեսական ապրանքների սահմանափակումների մասին հարցին։

Նա հավելել է, որ երեկ խոսել է Ռուսաստանի նախագահի հետ. «Մենք քննարկեցինք ընթացիկ հարցեր և դրական զրույց ունեցանք: Կարծում եմ՝ այս համատեքստում լավագույն քայլը կլիներ պարզապես հրաժարվել ամեն տեսակ սահմանափակումներից: Այն, ինչ վերաբերում է ֆիտոսանիտարիային, սովորական երևույթ է, միշտ էլ եղել է և պետք է լինի: Բայց այս պահին դա քաղաքականացվում է, և ես վախենում եմ, որ դա որոշակի բացասական տրամադրություններ կստեղծի ՀՀ-ում ԵԱՏՄ-ի նկատմամբ»,- նշել է Փաշինյանը։