«ԱՄՆ-ի կողմից Ադրբեջանին ցուցաբերվող օգնությունը չպետք է օգտագործվի Հայաստանի դեմ». Թրամփ

ԱՄՆ նախագահ Դոնալդ Թրամփը Ադրբեջանի նախագահ Իլհամ Ալիևին՝ «Ազատության աջակցության մասին» օրենքի 907-րդ բանաձևի կասեցման ժամկետի երկարաձգման մասին հուշագիր է ուղարկել՝ «Իլհա՛մ, դուք հիանալի եք» ստորագրությամբ։

Հուշագրի մեջ նշվում է, որ «բանաձևի կասեցումը չի խաթարի կամ չի խոչընդոտի Հայաստանի և Ադրբեջանի միջև խաղաղ կարգավորման բանակցությունների շարունակական ջանքերին և չի օգտագործվի Հայաստանի դեմ հարձակողական նպատակներով»։

Ալիևը շնորհակալություն է հայտնել Թրամփին և բարձր է գնահատել այդ քայլը։

907-րդ բանաձևը 1992 թվականին ԱՄՆ Քոնգրեսի կողմից ընդունված ԱՄՆ «Ազատության աջակցության մասին» օրենքի ենթաբաժին է, որն արգելում էր ԱՄՆ կառավարության կողմից Ադրբեջանի կառավարությանը ցանկացած ուղղակի օգնության տրամադրումը՝ Հայաստանի և Արցախի շրջափակման պատճառով։

Նշենք, որ ԱՄՆ նախագահը կարող է միայն կասեցնել բանաձևը ընդամենը մեկ տարով, բայց չի կարող չեղարկել այն․ այդ իրավասությունը տրված է բացառապես Քոնգրեսին։

Բանաձևի կասեցում չի եղել միայն 2023-2024 թվականներին՝ պայմանավորված 2023 թվականի սեպտեմբերին Արցախի վրա Ադրբեջանի ռազմական հարձակմամբ ու դրան հաջորդած էթնիկ զտմամբ։ 2025-ի օգոստոսի 8-ին ԱՄՆ նախագահ Դոնալդ Թրամփի որոշմամբ կասեցումն ուժի մեջ է մտել։