«ԱՄՆ-Իրան համաձայնագրի նախագիծը նախատեսում է հրադադարի ժամկետի 60-օրյա երկարաձգում». #WP

ԱՄՆ-ի և Իրանի միջև մշակվող նախնական պայմանավորվածությունները նախատեսում են հրադադարի երկարաձգում և Հորմուզի նեղուցում նավագնացության վերսկսում 30 օրվա ընթացքում, հաղորդում է The Washington Post-ը։

ԱՄՆ վարչակազմի աղբյուրի հաղորդմամբ՝ Վաշինգթոնը և Թեհրանը «մշակել են փոխըմբռնման հուշագրի ուրվագծերը, որը նախատեսում է հրադադարի 60-օրյա երկարաձգում՝ կողմերին հնարավորություն տալով վերջնական համաձայնության գալ Իրանում պատերազմը մշտապես դադարեցնելու վերաբերյալ»։ Նշվում է, որ ԱՄՆ-ն և Իրանը դեռևս որևէ փաստաթուղթ չեն ստորագրել։ Իսլամական Հանրապետության իշխանությունները դեռևս չեն տվել իրենց վերջնական համաձայնությունը։
Լրատվամիջոցի դիվանագիտական ​​աղբյուրի հաղորդմամբ՝ «փոխըմբռնման հուշագրի ստորագրումից հետո Իրանը անմիջապես կբացի Հորմուզի նեղուցը և քայլեր կձեռնարկի նավագնացությունը պատերազմից առաջ եղած նույն ծավալներով վերականգնելու համար»։ Նշվում է, որ նախնական պայմանավորվածությունները նաև նախատեսում են, որ «Իրանը, ԱՄՆ-ն և նրանց դաշնակիցները կհայտարարեն բոլոր ճակատներում, այդ թվում՝ Լիբանանում, ռազմական գործողությունների անհապաղ դադարեցման մասին»։