«Թրամփն ու Նեթանյահուն բարդ հեռախոսազրույց են ունեցել Իրանի վերաբերյալ»․ #Axios

ԱՄՆ նախագահ Դոնալդ Թրամփը և Իսրայելի վարչապետ Բենիամին Նեթանյահուն բարդ հեռախոսազրույցի ընթացքում քննարկել են Իրանի հետ համաձայնության հասնելու նոր ջանքերը, հաղորդում Է Axios-ը՝ հղում կատարելով երեք աղբյուրների։

Ամերիկյան աղբյուրը հայտնել է, որ Նեթանյահուն զրույցից հետո չափազանց մտահոգված է եղել։ «Նեթանյահուն չափազանց թերահավատորեն է վերաբերվում բանակցություններին և ցանկանում է վերսկսել պատերազմը։ .. Երկու առաջնորդների միջև տարաձայնություններ են առաջացել հետագա քայլերի վերաբերյալ», - ասվում է հաղորդագրության մեջ։

Աղբյուրների հաղորդմամբ՝ Կատարը և Պակիստանը, տարածաշրջանային այլ միջնորդների մասնակցությամբ, պատրաստել են վերանայված խաղաղության հուշագիր՝ ԱՄՆ-ի և Իրանի միջև տարաձայնությունները հաղթահարելու նպատակով։ Ինչպես հայտնել է ամերիկյան աղբյուրը, Դոնալդ Թրամփը Բենիամին Նեթանյահուին ասել է, որ միջնորդներն աշխատում են «մտադրությունների նամակի» վրա, որը ԱՄՆ-ն և Իրանը կստորագրեն՝ պատերազմը պաշտոնապես ավարտելու և բանակցությունների 30-օրյա փուլ սկսելու համար։