Ռուսաստանը սահմանափակում է ծաղիկների ներմուծումը Հայաստանից

Ռուսաստանը մայիսի 22-ից սահմանափակելու է ծաղիկների ներմուծումը Հայաստանից, հայտնել է «Ռոսսելխոզնադզորը»: Որոշման նպատակը բուսասանիտարական առողջ միջավայրի պաշտպանությունն ապահովելն է։

«Չնայած ՀՀ ՍԱՏՄ-ի ներկայացրած երաշխիքներին, շարունակվում են հայտնաբերվել ԵԱՏՄ-ի համար կարանտինային բույսեր։ 96,2 միլիոն ծաղիկների ու բույսերի ներմուծման ժամանակ այդպիսի 135 դեպք է արձանագրվել, ինչը կազմում է ամբողջ 2025 թվականին հայտնաբերված ընդհանուր դեպքերի 77 տոկոսը»,- նշել է «Ռոսսելխոզնադզորը»։

2025 թվականի ամռանը Ռոսսելխոզնադզորը (Անասնաբուժական և բուսասանիտարական հսկողության դաշնային ծառայությունը) զգուշացրել էր Հայաստանից կտրված ծաղիկների և ծաղկաբույլերի ներմուծման հնարավոր սահմանափակումների մասին: Այդ ժամանակ դա պայմանավորված էր բուսասանիտարական վկայականներով ապրանքների բեռնափոխադրումների աճով, որոնք, ըստ Ռուսաստանի իշխանությունների, պարունակում էին ապրանքների ծագման մասին կեղծ տեղեկություններ: Մասնագետները նաև հայտնաբերել են կարանտինային արևմտյան ծաղկային տրիպսներ (Frankliniella occidentalis):