«Պակիստանն ԱՄՆ-ին է փոխանցել Իրանի վերանայված առաջարկը»․ #Reuters

Պակիստանյան կողմը ԱՄՆ ներկայացուցիչներին է ներկայացրել Մերձավոր Արևելքում հակամարտությունը դադարեցնելու վերաբերյալ Իրանի վերանայված առաջարկը, հաղորդում է Reuters-ը՝ հղում կատարելով պակիստանյան աղբյուրին։ «Մենք շատ ժամանակ չունենք»,- ասել է աղբյուրը՝ պատասխանելով հարցին, թե արդյոք ժամանակ կպահանջվի բացերը վերացնելու համար, հավելելով, որ երկու կողմերն էլ «անընդհատ փոխում են իրենց նպատակները»։

Իրանական Tasnim-ի հաղորդմամբ՝ առաջարկը բաղկացած է 14 կետից և շեշտը դրված է ռազմական գործողությունների դադարեցման և վստահության ամրապնդման միջոցառումների վրա։

Ավելի վաղ ԱՄՆ նախագահ Դոնալդ Թրամփը հայտարարել է, որ Իրանը հուսահատորեն շահագրգռված է Վաշինգթոնի հետ խաղաղության համաձայնագրի կնքմամբ: «Բայց նրանք առաջարկում են գործարք, ապա ուղարկում են մի փաստաթուղթ, որը որևէ կապ չունի գործարքի հետ»,- նշել է Թրամփը։