«ԱՄՆ-ի նոր հարձակման դեպքում՝ Իրանը կարող է ուրանը հարստացնել մինչև 90%»․ Ռեզայի

Իրանը կարող է դիտարկել ուրանը մինչև 90% հարստացնելու հնարավորությունը, ինչն արդեն միջուկային զենքի ստեղծման համար անհրաժեշտ մակարդակ է, եթե ԱՄՆ-ն նոր հարվածներ հասցնի երկրին։ Այս մասին հայտարարել է Իրանի խորհրդարանի ազգային անվտանգության և արտաքին քաղաքականության հանձնաժողովի խոսնակ Իբրահիմ Ռեզային։

Ավելի վաղ հաղորդվել էր, որ Իրանը պակիստանցի միջնորդներին է փոխանցել ԱՄՆ-ի հետ հակամարտության կարգավորման հերթական առաջարկները: Ավելի ուշ ԱՄՆ նախագահ Դոնալդ Թրամփը հայտարարել էր, որ իրեն չի գոհացնում Թեհրանի առաջարկը: The Wall Street Journal-ը, հղում կատարելով իր աղբյուրներին, գրել էր, որ Իրանն առաջարկում է ռազմական գործողությունների ավարտ և Հորմուզի նեղուցի աստիճանական բացում առևտրային նավագնացության համար՝ իրանական նավահանգիստների ամերիկյան շրջափակման վերացմանը զուգընթաց, ընդ որում՝ «միջուկային հարցերը» Թեհրանն առաջարկում է քննարկել «հաջորդ 30 օրվա ընթացքում»: