«ՌԴ պետական հեռուստաալիքով Ադրբեջանի աղավաղված քարտեզի ցուցադրումն անընդունելի է»․ Ադրբեջանի ԱԳՆ

«Ռուսաստանի պետական ​​Առաջին ալիքի «Время покажет» հաղորդման ժամանակ Ադրբեջանի աղավաղված քարտեզի ցուցադրումը, որտեղ պատկերված է այսպես կոչված Լեռնային Ղարաբաղը, լուրջ սադրանք է և անընդունելի քաղաքական մանիպուլյացիա»,- այս մասին ասվում է Ադրբեջանի ԱԳՆ պաշտոնական ներկայացուցիչ Այխան Հաջիզադեի հայտարարության մեջ։ Նա նշել է, որ Ադրբեջանն ակնկալում է, որ Ռուսաստանը պաշտոնական բացատրություն կտա այս հարցի վերաբերյալ և անհրաժեշտ միջոցներ կձեռնարկի ապագայում նմանատիպ միջադեպերը կանխելու համար։