«ԵՄ-ն Հայաստանում իրականացնում է ընտրություններին միջամտելու մոլդովական սցենարը»․ ՌԴ ԱԳՆ

Եվրոմիությունը պատրաստվում է միջամտել Հայաստանի խորհրդարանական ընտրություններին՝ մոլդովական սցենարով, հայտարարել են Ռուսաստանի ԱԳՆ-ում:

«Դրան հասնելու համար Եվրոմիությունն օգտագործում է նույն մեխանիզմներն ու տեխնոլոգիաները, որոնք մշակվել են Մոլդովայում նախորդ ընտրարշավների ժամանակ», - նախարարության մեկնաբանությունը մեջբերում է «Известия»-ն։

«Միջամտության փորձի մասին վկայում է ԵՄ գործընկերային առաքելության և «հիբրիդային սպառնալիքների դեմ պայքարի» խմբի ուղարկումը երկիր», - նշել են գերատեսչությունում։ Նախարարությունում նաև նշելեն, որ Բրյուսելում «ամեն ինչ իր գինն ունի», իսկ Արևմուտքի հետ խաղերը հազվադեպ են լավ ավարտ ունենում։

«Ռուսաստանի դիրքորոշումը պարզ է և անկեղծ. մենք շահագրգռված ենք ուժեղ, կայուն և իսկապես ինքնիշխան Հայաստանով, որը կարող է ինքնուրույն մշակել իր քաղաքականությունը և որոշել իր զարգացման վեկտորը», - շեշտում է նախարարությունը։