Ռուսաստանը հզոր ավիառումբերով հարվածել է Կրամատորսկին ու Զապորոժիեին. կան բազմաթիվ զոհեր

Մայիսի 5-ին ռուսական ուժերն ավիառումբեր են նետել Դոնեցկի մարզի Կրամատորսկի կենտրոնի վրա։ Դոնեցկի մարզային վարչակազմի ղեկավար Վադիմ Ֆիլաշկինի խոսքով՝ 5 մարդ զոհվել է, ևս 12-ը՝ վիրավորվել։

Նրա խոսքով՝ ռուսական ուժերը Կրամատորսկի կենտրոնի վրա նետել են 3 հզոր պայթուցիկ ավիառումբ մոտավորապես ժամը 17:00-ին (Երևանի ժամանակով 18:00-ին)։ Վնասվել են մի քանի բազմահարկ բնակելի շենքեր, վարչական շենքեր և տրանսպորտային միջոցներ։ «Նրանք հարվածել են քաղաքի կենտրոնին՝ սպանելով մարդկանց»,- Telegram-ում գրել է Ուկրաինայի նախագահ Վլադիմիր Զելենսկին։

Զապորոժիեում ռուսական հարձակման հետևանքով զոհվել է 12 մարդ, Telegram-ում հայտնել է մարզային վարչակազմի ղեկավար Իվան Ֆեդորովը։

Նրա խոսքով՝ առնվազն 16 մարդ վիրավորվել է, իսկ մի քանի բիզնեսներ ենթարկվել են հզոր ավիառումբերի հարձակման։