«Կոչով, ուղերձներով ներդրումներ չեն արվում»․ Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրել է․ «Ո՞վ ներդրում կանի Հայաստանում, որտեղ սեփականատիրոջից ՀԷՑ են խլել․
Նիկոլ Փաշինյանն ասել է, որ այսօր ԵՄ-ի կողմից հայտարարություն է ընդունվել, որով տնտեսվարողներին կոչ է արվել ՀՀ տնտեսության մեջ ներդրումներ անել։ Փաշինյանը հայտարարել է, որ դա պատմական նշանակություն ունեցող փաստ է, քանզի իրենք նախկինում միջազգային գործընկերներից նման ուղերձ չեն լսել։
Կոչով, ուղերձներով ներդրումներ չեն արվում, ներդրումներ արվում են այնտեղ, որտեղ կայուն, անվտանգ միջավայր կա, որտեղ գործարարությամբ զբաղվելու, շահույթներ ստանալու լավ հնարավորւթյուններ են առկա, անկախ դատական համակարգ կա։ Հայաստանից ներդնողները փախչում են, քանզի հաճախ փոխվում են հարկային օրենքները, անկախ դատարան չկա, որտեղ սեփականատիրոջից խլել են նրա սեփականություն հանդիսացող ՀԷՑ-ը»։