«Ես վերացնում եմ վիսկիի մաքսատուրքերն ու սահմանափակումները». Թրամփ

ԱՄՆ-ի նախագահ Դոնալդ Թրամփը որոշել է վերացնել շոտլանդական վիսկիի մաքսատուրքերը Մեծ Բրիտանիայի Չարլզ III թագավորի և թագուհի Կամիլայի՝ Միացյալ Նահանգներ կատարած այցից հետո։

«Ես վերացնում եմ վիսկիի մաքսատուրքերն ու սահմանափակումները՝ Շոտլանդիայի՝ Կենտուկիի հետ վիսկիի և բուրբոնի արտադրության ոլորտում համագործակցելու ունակության շնորհիվ, որոնք Շոտլանդիայի և Կենտուկիի համար շատ կարևոր երկու արդյունաբերություններ են»,- գրել է Թրամփը TruthSocial սոցիալական ցանցում։

Նա նշել է, որ այդ որոշումը կայացրել է Չարլզ III-ի և նրա կնոջ պատվին։ «Թագավորն ու թագուհին ստիպեցին ինձ անել այն, ինչ ոչ ոք չէր անի առանց հարցնելու», - հավելել է ամերիկացի նախագահը։

ԱՄՆ-ն 10% մաքսատուրք է սահմանել բրիտանական ապրանքների վրա։ Շոտլանդացի պաշտոնյաները փորձել են համոզել բրիտանական կառավարությանը՝ վերացնել վիսկիի մաքսատուրքերը, հաղորդում է The New York Times-ը։ Շոտլանդիան արտահանում է իր վիսկիի արտադրության 90%-ը։ ԱՄՆ-ն նրա ամենամեծ շուկան է։