«Իրանը պատրաստ է աննախադեպ պատասխան տալ, եթե ծովային շրջափակումը շարունակվի»․ #PressTV

Թեհրանը պատրաստ է աննախադեպ պատասխան տալ, եթե ԱՄՆ-ն շարունակի Իրանի նկատմամբ ծովային շրջափակումը, հայտնում է իրանական Press TV-ն՝ հղում կատարելով անվտանգության ոլորտի իր աղբյուրին։

«Այսպես կոչված ծովային շրջափակման տեսքով շարունակվող ամերիկյան ծովահենությունն ու ավազակապետությունը շուտով կբախվեն գործնական և աննախադեպ ռազմական գործողությունների», - ասվում է հաղորդագրության մեջ:

Նշվում է, որ Իրանի զինված ուժերը մինչ այժմ զսպվածություն են ցուցաբերել, որպեսզի հնարավորություն տան դիվանագիտությանը և թույլ տան ԱՄՆ-ին ուսումնասիրել և ընդունել իրանական կողմի առաջ քաշած պայմանները՝ պատերազմի վերջնական դադարեցման համար։