«Գործարանում մնացել է հաստոցների 2 մասնագետ, երկուսն էլ 80+ տարեկան»․ Սամվել Գևորգյան

Բիզնես-փորձագետ Սամվել Գևորգյանի ֆեյսբուքյան գրառումը․ «Մի գործարան կա Հայաստանում։ Մնացել է հաստոցների 2 մասնագետ, երկուսն էլ 80+ տարեկան։ Երկուսն էլ լավ մասնագետ են, տարիների մեծ փորձով։ Սակայն մի խնդիր ունեն։ Չեն ցանկանում իրենց գիտելիքը փոխանցել երիտասարդներին։ Ասում են՝ «չենք ուզում մեր գործը մեր ձեռքից խլեն»։ Կրկին, այս մարդիկ 80+ տարեկան են։
Այստեղից է, որ հարց է ծագում, նրանք լավ մասնագե՞տ են, թե՞... Կարճ ասած․ լավագույն մասնագետը նա չէ, որը ամեն ինչ գիտի, այն նա, որը ուզում է և կարողանում է իր գիտելիքը փոխանցել։
Սա բիզնեսի խնդիրն, որ պետք է ի սկզբանե լուծում տրվի։ Մասնագետը ոչ միայն պետք է գործ անի, այլ նաև սովորեցնի նորեկներին։ Սա պետք է լինի իր գործի, աշխատանքային պարտականությունների մի մասը։ Այլապես, 80+ տարեկան մասնագետը բիզնեսի գաղտնիքներն իր հետ կտանի մի տեղ, որտեղ բաժանորդն անհասանելի է»։