«Բանալին` համախմբվել մեր լեզվի, մեր գրի և մեր եկեղեցու շուրջ». Ժիրայր Դադասյան

«Մենք ազգովի պիտի կանգնենք Մայր Աթոռի և Վեհափառ Հայրապետի կողքին, որովհետև դա է ազգ մնալու մեր երաշխիքը»,- «Նյուզ»-ի «Անուշադրության կենտրոն» հաղորդաշարի եթերում ասաց Երևանի մնջախաղի պետական թատրոնի գեղարվեստական ղեկավար Ժիրայր Դադասյանը։ «Վերջերս ինձ զգում եմ Հրանտ Մաթևոսյանի ձիապան Մեսրոպի դերում, ով զգում էր իր հայկականությունը, բայց չգիտեր, թե ինչ անել։ Մեծ պատիժ է դարձել սեփական հայկականությունը զգալը։ Պատմական ժամանակներ ենք ապրում, որոնց մասին գրքեր են գրվելու։ Պետք է համախմբվենք մեր լեզվի, մեր գրի և մեր եկեղեցու շուրջ․ սա է բանալին»։