Երևան`   +14 °C
Այսօր`   Շաբաթ, 11 ապրիլի, 2026 թ.

«Ուրիշների ողբերգության վրա միավորներ հավաքելը ոչ միայն անբարոյական է, այլև չարիք»․ Նաիրի Հոխիկյան

73
Այսօր, 11:30
«Ուրիշների ողբերգության վրա միավորներ հավաքելը ոչ միայն անբարոյական է, այլև չարիք»․ Նաիրի Հոխիկյան

Լրագրող Նաիրի Հոխիկյանի ֆեյսբուքյան գրառումը․ «Ուրիշների ողբերգության վրա միավորներ հավաքելը ոչ միայն անբարոյական է, այլև չարիք․

Նիկոլ Փաշինյանը կիսաժպիտ պատմում է Շիրակի մարզում ավտովթարի հետևանքով մի ամբողջ ընտանիքի մահանալու մասին՝ դա համեմելով իր գովազդով, թե ճանապարհները այնքան լավ վիճակում են, որ վարորդները գայթակղվում են և արագ քշում։
Իհարկե, ստում է, թե ճանապարհները լավ վիճակում են։ Պետական բյուջեի փողերը մսխելու լավ միջոց է ճամփա սարքելը, որը ամիսներ անց դառնում է իսկական չարիք վարորդների համար՝ առաջացած փոսերի պատճառով։
Բայց ուրիշների ողբերգության վրա սեփական գովազդ անելը այլ կերպ կոչվում է քաղաքական անբարոյականություն։
Ու հենց նույն պահին վարչապետին ուղեկցող անհամար ոստիկանների ավտոբուսն էլ է վթարի ենթարկվում՝ մեծ վնաս պատճառելով այլ մարդկանց։
Նիկոլ Փաշինյանի տրամաբանությամբ՝ այս անգամ երևի ոստիկաններն են գայթակղության մեջ ընկել։
Կարելի է ենթադրել՝ Նիկոլի իշխանությունը ամեն գնով պահելու գայթակղություն է, քանի որ դրանից զրկվելու դեպքում ոմանք կրկին վերադառնալու են սարեր՝ կով պահելու, ոմանք ՔՊ-ի մեծ մասի հետ կհայտնվեն բանտում»։

Աղբյուրը`   Նաիրի Հոխիկյան