«Եթե Իրանը ձախողի բանակցությունները, կօգտագործենք մեր ռազմանավերի լավագույն զինամթերքը»․ Թրամփ

ԱՄՆ նախագահ Դոնալդ Թրամփը The New York Post-ին տված հարցազրույցում հայտարարել է, որ ամերիկյան ռազմանավերը համալրվում են լավագույն զինամթերքով՝ Իրանի վրա հարվածները վերսկսելու համար, եթե Պակիստանում խաղաղության բանակցությունները ձախողվեն։

««Մենք դա կիմանանք մոտ 24 ժամվա ընթացքում։ Մեր նավերը բեռնում ենք երբևէ ստեղծված լավագույն զենքերով։

Եթե գործարքը չկայանա, մենք դրանք կօգտագործենք, և դա շատ արդյունավետորեն կանենք։

Իրանցիները դեմառդեմ հայտարարում են, որ ազատվում են իրենց բոլոր միջուկային զենքերից, իսկ հետո մամուլում հայտնում են. «Մենք ուզում ենք ուրան հարստացնել»։ Մենք այդ ամենը կպարզենք»,- ասել է Թրամփը։