«Նիկոլ Փաշինյանի անունով չէի՞ք մասնակցում ընտրություններին». Արծվիկ Մինասյանը՝ ՔՊ-ին

«Անձնավորման մասին եք խոսում: Այ մարդ, էսքան կարճ չպիտի լինի մարդու հիշողությունը. Նիկոլ Փաշինյանի անունով չէի՞ք դուք մասնակցում ընտրություններին... Ո՞նց՝ չէ, պարո՛ն Ալեքսանյան, ձեր խոսքն անգամ դասական միտք է դարձել՝ ուսապարկիզմի մասին, էս ի՞նչ եք խոսում»,- ԱԺ իր ելույթում ասաց ընդդիմադիր Արծվիկ Մինասյանը՝ անդրադառնալով «Հայաստանի Հանրապետության ընտրական օրենսգիրք» սահմանադրական օրենքում լրացումներ և փոփոխություններ կատարելու մասին՝ ՔՊ-ի ներկայացրած նախագծին, որով, հիշեցնենք, առաջարկվում է նաև հետևյալ փոփոխությունը. «Կուսակցությունների դաշինքի անվանումը չի կարող պարունակել անձնանուն, պետական և տեղական ինքնակառավարման մարմինների անվանումներ կամ դրանց շփոթելու աստիճան նման անվանումներ և (կամ) դրանց հոլովաձևեր»:

«Այսինքն դուք հիմա պայքարում եք էն երևույթի դեմ, որով եկել եք ու շարունակում եք»,- շարունակեց Արծվիկ Մինասյանը: