«ԱՄՆ-ն, Իրանի հարցով կարգավորման շրջանակներում, կարող է Ուիթքոֆին փոխարինել Վենսով»․ #Fars

Իրանն ԱՄՆ-ից առաջարկներ է ստացել հակամարտության կարգավորման վերաբերյալ, որոնք ենթադրում են, մասնավորապես, բանակցություններին փոխնախագահ Ջեյ Դի Վենսի ներգրավում՝ ԱՄՆ նախագահի հատուկ բանագնաց Սթիվ Ուիթքոֆի փոխարեն: Այս մասին հայտնում է Fars-ը՝ հղում կատարելով իր աղբյուրին։

«Թրամփը ակնհայտորեն ձգտում է հանդիպման և համաձայնության: ԱՄՆ-ի առաջարկը ներառում է Ուիթքոֆի հեռացումը՝ Իսրայելի վարչապետ Բենիամին Նեթանյահուի շրջապատի հետ նրա մտերմության պատճառով, և բանակցությունների սկսումը Վենսի հետ՝ Իրանի Իսլամական Հանրապետության պահանջներին ի պատասխան լուրջ երկխոսություն կառուցելու համար»,- ասել է աղբյուրը:

Իսկ Politico-ն հղում կատարելով աղբյուրներին հաղորդում է, որ Վենսը կմասնակցի Իրանի ներկայացուցիչների հետ հնարավոր ուղիղ բանակցություններին, եթե միջնորդների միջոցով առկա շփումները հանգեցնեն դրանց։