«Մենք Իրանին կվերադարձնենք քարի դար»․ Թրամփ

ԱՄՆ նախագահ Դոնալդ Թրամփը հայտարարել է, որ ԱՄՆ-ն առաջիկա շաբաթների ընթացքում հզոր հարվածներ կհասցնի Իրանին և երկիրը կվերադարձնի քարի դար։

«Ես «Էպիկական կատաղություն» գործողության սկզբից հստակ ասել եմ, որ մենք կշարունակենք մինչև մեր նպատակների իրականացումը։ Շնորհիվ մեր արձանագրած առաջընթացի՝ այսօր կարող եմ ասել, որ մենք ճիշտ ուղու վրա ենք և շուտով՝ շատ շուտով կիրականացնենք Ամերիկայի բոլոր ռազմական նպատակները։ Մենք նրանց չափազանց ուժեղ հարվածներ կհասցնենք հաջորդ երկու-երեք շաբաթվա ընթացքում։ Մենք նրանց վերադարձնելու ենք քարի դար, որտեղ նրանց տեղն է։ Մինչ այդ, քննարկումները շարունակվում են… Բոլոր խաղաքարտերը մեր ձեռքում են», - ասել է Թրամփը ամերիկացիներին ուղղված իր ելույթում։