«ԱՄՆ-ն չի մասնակցել Իրանում մարզադահլիճին և բնակելի թաղամասին հասցված հարվածներին». CENTCOM

ԱՄՆ զինված ուժերի կենտրոնական հրամանատարությունը (CENTCOM) հերքել է ամերիկյան ուժերի կողմից Իրանի Լամարդ քաղաքում գտնվող մարզադահլիճին և բնակելի թաղամասին հարված հասցնելը։

Հրամանատարությունը նշում է, որ ԱՄՆ զինված ուժերը փետրվարի 28-ին որևէ հարված չեն հասցրել Լամարդ քաղաքին և հարակից տարածքներին:

Ավելի վաղ New York Times-ը, հղում կատարելով ռազմական փորձագետներին և հարվածի վայրից տեսագրությունների վերլուծությանը, հաղորդել էր, որ ԱՄՆ-ն Իրանի դեմ գործողության սկզբում առաջին անգամ կիրառել է փոքր հեռահարության նոր բալիստիկ հրթիռ (PrSM): Լրատվամիջոցի տվյալներով՝ փետրվարի 28-ին հրթիռով հարված է հասցվել Իրանի հարավում գտնվող Լամարդ քաղաքի մարզադահլիճին և դպրոցին։