«Դավիթ Մինասյանի կալանքի միջնորդության վերաբերյալ որոշումը կհրապարակվի ապրիլի 1-ին՝ ժամը 12․00-ին»․ Վարդուհի Էլբակյան

Դատարանը քննում էր մարտի 29-ին Սուրբ Աննա եկեղեցում Փաշինյանի մասնակցությամբ միջադեպի մասնակից Դավիթ Մինասյանի կալանքի միջնորդությունը։

«Դեռևս դատարանի որոշում չկա, այն կհրապարակվի ապրիլի 1-ին ժամը 12․00-ին»,- այս մասին լրագրողների հետ զրույցում հայտնեց փաստաբան Վարդուհի Էլբակյանը։ Նա նաև հավելեց, որ Դավիթ Մինասյանը տեղափոխվել է ձերբակալվածների պահման վայր։

«Մեր կարծիքով՝ ընդհանրապես բացակայում է մեղադրանքի հիմնավոր կասկածը և խափանման միջոց չպետք է կիրառվի, բայց միջնորդել ենք նաև այլընտրանքային խափանման մջոց կիրառելու մասին»,- հավելեց փաստաբանը՝ նաև հայտնելով, որ գործով որևէ անձ տուժող չի ճանաչվել։