«Քննիչները միջնորդությունը չեն կարողանում հիմնավորել․ այժմ տեսաերիզները պետք է հետազոտենք»․ Վարդուհի Էլբակյան

Դատարանը շարունակում է քննել մարտի 29-ին Սուրբ Աննա եկեղեցում Փաշինյանի մասնակցությամբ միջադեպի մասնակից Դավիթ Մինասյանի կալանքի միջնորդությունը։

Փաստաբան Վարդուհի Էլբակյանը լրագրողների հետ զրույցում հայտնեց․ «Վարույթն իրականացնող մարմինը ներկայացրել է 2 ամսով կալանավորելու միջնորդություն։ Դեռևս պաշտպանների կողմից հարցուպատասխանի փուլն է․ պաշտպանների կողմից հարցեր են հնչում՝ ուղղված քննիչներին։ Քննիչները, իմ գնահատմաբ, միջնորդությունը չեն կարողանում հիմնավորել։

20 րոպե ընդմիջում է հայտարարվել, քանի որ տեսաերիզները պետք է հետազոտենք։ Դրանից հետո առարկություններ կներկայացնենք»։

Հիշեցնենք՝ Դավիթ Մինասյանի նկատմամբ հարուցվել է հանրային քրեական հետապնդում՝ Քրեական օրենսգրքի 297-րդ հոդվածի 1-ին մասով (խուլիգանությունը) և 452-րդ հոդվածի 3-րդ մասով (պաշտոնատար անձի օրինական ծառայողական կամ քաղաքական գործունեությանը միջամտելը)։