«ԱՄՆ-ն չի օգնի այն երկրներին, որոնք հրաժարվել են աջակցել Իրանի դեմ գործողությանը»․ Թրամփ

ԱՄՆ-ն մտադիր չէ այսուհետ օգնել այն երկրներին, որոնք հրաժարվել են աջակցել Իրանի դեմ գործողությանը: Այս մասին հայտարարել է ԱՄՆ նախագահ Դոնալդ Թրամփը:

«Դուք պետք է սովորեք պայքարել ինքներդ ձեզ համար, ԱՄՆ-ն այլևս չի օգնելու ձեզ, ինչպես դուք չօգնեցիք մեզ», - գրել է նա Truth Social-ում։

«Բոլոր այն երկրներին, որոնք չեն կարողանում ավիացիոն վառելիք ստանալ Հորմուզի նեղուցի պատճառով, ինչպես Մեծ Բրիտանիան, որը հրաժարվեց մասնակցել Իրանի գլխատմանը, ես առաջարկ ունեմ. նախ՝ գնեք Միացյալ Նահանգներից. մենք բավականաչափ ունենք, և երկրորդ՝ քաջություն հավաքեք, գնացեք նեղուց և պարզապես վերցրեք այն»- նշել է Թրամփը։ «Իրանը, ըստ էության, ջախջախվել է։ Ամենաբարդն արդեն անցյալում է։ Գնացեք ու ձեր սեփական նավթը ձեռք բերեք», - հավելել է նա։