«Երևի վախենում ես նրանցից, որոնց քո միջոցով շանտաժի են ենթարկել իշխանությունները»․ Տեր Զարեհ Աշուրյան

Տեր Զարեհ Աշուրյանը ֆեյսբուքյան եթերով ասում է․ «Տիրադավ եպիսկոպոսներից միայն մեկն է, որ սարսափելի վախեցած է, և իր ամբողջ օրն անց է կացնում հատուկ ուժերի կողմից կազմակերպված անվտանգային միջոցառումների շրջանակներում։ Խոսքս Արման Սարոյանի մասին է։ Կարո՞ղ է իշխանությունները քո միջոցով էին փոխանցում այն կոմպրոմատների փաթեթը, որոնց մասին դու անընդհատ խոսում էիր։ Դժվար է պատկերացնել, թե ի՞նչ կարող է քեզ սպառնալ։ Երևի վախենում ես ոչ թե մեզանից՝ հավատարիմ հոգևորականներից, այլ նրանցից, որոնց խաբել ես, որոնց քո միջոցով շանտաժի են ենթարկել իշխանությունները։

Միակ բանը, որից պետք է զգուշանաս, որը կարող է քո կյանքին սպառնալ՝ քո սիգարներն են, քիչ ծխի, սենյակդ շուտ-շուտ օդափոխի, մեկ էլ առողջ սնունդով քո որովայնը լցրու, ամեն պատահած բան մի կեր, մանավանդ, բռնի տեղահանված արցախահայերից գողացած բաները մի կեր, կամ հավատացյալներին հասանելիք օգնությունները մի կեր, դրանք շատ վտանգավոր են առողջության համար, մի օր Աստված հաշիվ է պահանջելու»։