«Ուկրաինան պատրաստ է հրադադարի՝ Զատկի տոներին»․ Զելենսկի

Ուկրաինայի նախագահ Վլադիմիր Զելենսկին հայտարարել է, որ Ուկրաինան պատրաստ է հրադադարի՝ Սուրբ Զատիկի տոների ընթացքում։ «Մենք աջակցել ենք պատերազմի ավարտի ցանկացած ձևաչափի, դուք դա գիտեք, բայց, երբ պահպանվում է մեր պետության արժանապատվությունն ու անկախությունը, ինչպես նաև հրադադար՝ ցանկացած ձևաչափով, ինչպես արդեն այսօր ասել ենք՝ թե՛ ամբողջական, թե՛ էներգետիկ, և մենք պատրաստ ենք հրադադարի նաև Զատկի տոների ընթացքում»,- ասել է նա։

«Ինչ վերաբերում է Ռուսաստանի դիրքերի ամրապնդմանը այս երկու-երեք օրվա ընթացքում, նրանք չեն կարողանա ոչինչ ամրապնդել։ Մենք հիշում ենք, թե երեք օրում ինչ էին խոստացել և ինչ չկարողացան անել»,- հավելել է Զելենսկին։