«Վիկտորն ու Քոչարյանը գործուն մասնակցություն են ունեցել Նիկոլին բերելու, պահելու, վերալեգիտիմացնելու մեջ». Արթուր Դանիելյան

«Ադեկվատ» միաբանության հիմնադիր Արթուր Դանիելյանի ֆեյսբուքյան գրառումը․ «Քոչարյանի շտաբի պետ Վիկտորը հարցազրույց է տվել «Վեսծի»-ին, որտեղ ասել է, որ «սա ճակատամարտ է Կովկասի համար»: Ենթադրվում է, որ ճակատամարտի մի կողմում Նիկոլն ու Արևմուտքն են, իսկ մյուս կողմում՝ Քոչարյանը և Ռուսաստանը: Իմ մոտ էս համատեքստում հարց է առաջանում. եթե Նիկոլն է Ռուսաստանի դեմ, ապա խի՞ են իրեն Մոսկվայում այդպես ընդունում: Դուզը խոսանք էլի, Մայա Սանդուին չեն ընդունում, Զելենսկուն չեն ընդունում, Սահակաշվիլուն չէին ընդունում, իսկ Նիկոլը իրանց աչքի լույսն է, դավաճան չի, գործընկեր է, բարեկամ է, Օվերչուկ-Մատվիենկո-Զախարովա բան... սաղ գոհ են: Ու զուտ հանկարծակի է նենց ստացվել, որ Վիկտորը ու Քոչարյանը գործուն մասնակցություն են ունեցել Նիկոլին բերելու, պահելու, վերալեգիտիմացնելու ու հիմա էլ իր համար ընդդիմադիր քվե փոշիացնելու մեջ:
Ինձ նաև հետաքրքիր է, թե ինչո՞ւ է Վիկտորն այդ կարևորագույն ինֆոն «Վեսծի»-ի եթերով ասում, ոչ թե հենց անձամբ որոշում կայացնողներին: Ի՞նչն է խանգարում մտնել Օվերչուկի մոտ ու պատմել իրեն, որտեղ է Կովկասը, ինչով է կարևոր և ինչ ճակատամարտեր են այստեղ գնում: Օվերչուկը, վստահ եմ, կջղայնանա ու կհրահանգի, օրինակ, Արդշինբանկին դադարեցնել ամերիկացիքից Նվիդեայի միկրոչիպերի գնումը: Թե չէ Վենսը գալիս, ներդրում է խոստանում, իսկ ներդրումը Արդշինբանկն է անում, որի փողը գալիս է ամերիկյան պատժամիջոցներից խուսափելուց... Կովկասի հարց կա, բան կա...
Մտի Լավրովի մոտ, մի հատ քարտեզը բացի, ցույց տուր, որը որից հետո է: Էս 8 տարի է մարդիկ քեզ են սպասում: Թե չէ անձամբ իմ մոտ (և ենթադրում եմ, որ ոչ միայն իմ մոտ) տպավորություն է ստեղծվում, որ էս սաղ տելեգրամ կանալները, գրչակները, քֆուրչիները և նույնիսկ «Վեսծի»-ի հարցազրույցիդ միակ իմաստն էն է, որ դու ու օրթախ Աշոտիչդ շարունակեք փող կթել:
Կովկասի ճակատամարտ, թե բա... դու էլ մեր ճարպիկ ճակատամարտիկն ես»։