«Իսրայելի բանակը կարող է հայտնվել փլուզման եզրին»․ #ToI

Իսրայելի բանակի շտաբի պետ, գեներալ-լեյտենանտ Էյալ Զամիրը, ըստ տեղեկությունների, այս շաբաթ անվտանգության կաբինետի նիստում զգուշացրել է, որ «Իսրայելի պաշտպանության բանակը կարող է ներսից փլուզվել», քանի որ բանակը բախվում է աճող օպերատիվ պահանջների և անձնակազմի պակասի, հաղորդում է The Times of Israel-ը:

«Ես ձեր առջև բարձրացնում եմ 10 կարմիր դրոշ։ Այս պահին Իսրայելի պաշտպանության բանակին անհրաժեշտ է զորակոչի մասին օրենք, պահեստազորի մասին օրենք և պարտադիր ծառայությունը երկարաձգելու մասին օրենք»,- ասել է նա՝ հավելելով. «Շուտով Իսրայելի պաշտպանության բանակը պատրաստ չի լինի իր սովորական առաքելություններին, իսկ պահեստազորի համակարգը երկար չի դիմանա»։