«Եթե Նիկոլ Փաշինյանը գրիպ ընկնի, դուք կմնաք առանց վարչապետի թեկնածուի՞»․ լրագրողը՝ Վահագն Ալեքսանյանին

«Վարչապետի մեր թեկնածուի մրցակցություն առանձնապես չկա, իմ ընկալմամբ գերակնհայտ է, որ այստեղ բացահայտ ֆավորիտ է Նիկոլ Փաշինյանը»,- ճեպազրույցի ժամանակ հայտարարել է ՔՊ-ական պատգամավոր Վահագն Ալեքսանյանը։ «Այսինքն, եթե Նիկոլ Փաշինյանը գրիպ ընկնի, դուք կմնաք առանց վարչապետի թեկնածուի՞»,- հարցրել է լրագրողը։ «Չէ, չենք մնա։ Գրիպը բուժելի հիվանդություն է, շատ լավ դեղամիջոցներ կան»,- պատասխանել է Ալեքսանյանը։ «Ժողովրդավար չեք, մի խոսքով, մի հոգի՞. մի մարդու վրա կառուցված կուսակցությո՞ւն»,- լրագրողների դիտարկմանն ի պատասխան՝ ՔՊ-ական պատգամավորն ասել է․ «Ձեր աչքի առաջ հազար պատվիրակ գալիս և քվեարկում է։ Իսկ մյուս կուսակցություններում ո՞նց է դա տեղի ունենում, այ այնտեղ, այո՛, մի հոգի նստած, թուղթը ձեռքը, լսում է, թե էնտեղից ինչ են ասում ԿԳԲ-ի պագոնավոր ձյաձյաները, ու գրում է՝ էս մեկը 1-ին, էս մեկը՝ 2-րդ․․․»։

Հիշեցնենք՝ ընթանում է 2026 թվականի հերթական ընտրություններում «Քաղաքացիական պայմանագիր» կուսակցության ընտրական ցուցակի հաստատման երկրորդ փուլի քվեարկությունը: