«Դա քաղաքական միավորի կողմից կազմակերպված սադրանք էր». Ալեն Սիմոնյան

«3 օր է ծնողները՝ ԱԺ-ի դիմաց են և ձեզ են պահանջում, անգամ գրություն են ուղարկել, ձեր աշխատակիցները չէին զեկուցե՞լ։ Կարո՞ղ ենք եզրակացնել, որ այդ օրը դուք որոշեցիք իջնել և անձամբ սադրել»,- դիմելով ԱԺ նախագահ Ալեն Սիմոնյանին՝ հետաքրքրվեցինլրագրողները: «Չեք կարող, ինձ որևէ մեկը չի պահանջել։ Ես չեմ իմացել, որ այդտեղ մարդիկ կան հավաքված»,- պատասխանել է Սիմոնյանը։

«Դուք ստում եք, որ չեք իմացել, Հակոբ Ասլանյանին ԱԺ ամբիոնից հաթաթա էիք տալիս»,- արձագանքել է լրագրողը:

«Ստում ես դու, ես կընդհատեմ հարցազրույցը, դու ուզում ես ինձ հետ վիճե՞լ, թե՞ ես վերջացնեմ»,- ասել է Սիմոնյանը և շարունակել․ «Ես ընդհարում չեմ ունեցել այդ մարդկանց հետ, մեզ մոտեցել է կուսակցական, հետո մեկ այլ կուսակցական և սեռական բնույթի հայհոյանքներ է տվել։ Այդ մարդկանց և էդ կուսակցականներին մի նույնացրու և մի պնդիր.... Դա քաղաքական միավորի կողմից կազմակերպված սադրանք էր, գիտեմ՝ ում կողմից»։