«Ալե՛ն Ռոբերտիչ, դու հո Պիեռ Ռիշա՞րը չես․ զսպի՛ր քո «քաղաքական լիբիդոն»․ Արեգ Սավգուլյան

Պատմաբան Արեգ Սավգուլյանի ֆեյսբուքյան գրառումը․ «Մոլորվածը «սադրանքների» լաբիրինթում․
Աժ նախագահ Ալեն Ռոբերտիչ, դու հո Պիեռ Ռիշարը չե՞ս՝ «Ձախորդները» ֆիլմից։ Ինչո՞ւ է միշտ քեզ հետ նման միջադեպեր պատահում։ Լրիվ քայլող փորձանք, ամեն 10 մետրի վրա կարելի՞ է մի քաղաքացու հետ լեզվակռվի և ձեռնամարտի բռնվել։ Թիկնապահներդ էլ են կրակի մեջ ընկել։ Սիրահարված Օթելոյի պես բոլորին ուզում ես խեղդել, «մավրն արեց իր սև գործը, մավրը կարող է հեռանալ»։ Մի քիչ զսպիր քո «քաղաքական լիբիդոն», գարուն է, ոչինչ։
Եթե հիշողությունս չի դավաճանում քո մասով փողոցային ընդհարման սեզոնի բացման 1-ին սերիան կապված էր Արթուր Դանիելյանի անվան հետ, հետո մտար լայվ և ներողություն խնդրեցիր, ապա չկարողացար Կասկադում սանձահարել թքագեղցերդ և թքեցիր ու անպատվեցիր մի սփյուռքահայի, որը Բոտերոյի հոլանի քանդակով զմայլվելու ժամանակ պատահաբար նկատել էր քո սիլուետը և հայրենասիրական-էմոցիոնալ պոռթկման տարերքում «դավաճան» կոչել քեզ։ Նուբարաշենում մեկի հետևից հայհոյանք ուղարկեցիր (վիդեո էր պտտվում), իսկ հիմա զոհվածների ծնողների հետ միջադեպ ես արձանագրել, հայհոյել ես, իրենք էլ են քեզ հայհոյել, ապա ձերբակալություններ, հարցաքննություններ և այլն։
Հ.Գ. Հներին եք անընդհատ կշտամբում, բայց դուք քայլող քրեական հոդված եք, որն աշխատում է միակողմանի ռեժիմով առանց էջանիշի՝ արգելակման»։