«Ո՞նց անենք, որ Կոռուպցիայի կանխարգելման համակարգը անկաշկանդվածությամբ առաջնորդվի». Գառնիկ Դանիելյան

«Իշխանությունները գալիս և գնում են: Կուզեմ իմանալ ձեր տեսլականը. Ո՛նց անենք, որ Կոռուպցիայի կանխարգելման համակարգը անկաշկանդվածությամբ առաջնորդվի և իրապես սպասարկի ոչ թե այս կամ այն իշխանության եկած մարդկանց շահերը կամ անուշադրության մատնի կոնկրետ խնդիրները, այլ իրապես այդ կառույցը խնդիր ունենա անկաշկանդ և անաչառ գործելու»,- ԱԺ նիստում «Հայաստան» խմբակցության պատգամավոր Գառնիկ Դանիելյանը հարց ուղղեց Կոռուպցիայի կանխարգելման հանձնաժողովի անդամի թեկնածու Եփրեմ Կարապետյանին:

Նա արձագանքեց. «Առաջին հայացքից պարզ է, որ Հանձնաժողովն այս պահին էլ գործում է անկաշկանդ, որովհետև հանձնաժողովի կողմից տված եզրակացությունները և վարչական վարույթները վկայում են այն մասին, որ դրանք ավելի շատ գործող պաշտոնատար անձանց մասին են: Հանձնաժողովը ունի նաև եզրակացություններ ՀՀ վարչապետի կողմից վարքագծային հարցերի շուրջ, այլ պաշտոնատար անձանց վարքագծին վերաբերող հարցերի շուրջ»: