ԱՄՆ-ին պետք է, որ Իրանում լինի իր հետ համագործակցող ղեկավար

Վաշինգթոնի վարչակազմն Իրանում փնտրում է այնպիսի ղեկավարություն, որն ավելի բարենպաստ կլինի Միացյալ Նահանգների համար և պատրաստ կլինի համագործակցելու Միացյալ Նահանգների հետ։ Այս դիրքորոշումը ներկայացրել է Սպիտակ տան մամուլի քարտուղար Քերոլայն Լիվիթը լրագրողների համար կազմակերպված հերթական ճեպազրույցի ժամանակ։

«Կարծում եմ՝ նախագահն անկասկած կարծում է, որ Միացյալ Նահանգները շահագրգռված է ունենալ Իրանի ռեժիմի ղեկավարի պաշտոնում շատ ավելի բարենպաստ մեկին, ով պատրաստ է համագործակցելու Միացյալ Նահանգների հետ», - ասել է նա։ «Դա, անկասկած, լավ և խելացի քայլ կլինի Միացյալ Նահանգների և մեր դաշնակիցների համար», - հավելել է Լիվիթը։

Հարցին, թ ե արդյոք ամերիկյան կողմը գոհ է Իրանում ներկայում իշխանության գլուխ կանգնած անձից, Սպիտակ տան մամուլի քարտուղարը պատասխանել է. «Կարծում եմ՝ դեռ վաղ է ասել»։