Սպիտակ տունը չի խնդրի Քոնգրեսի թույլտվությունը՝ Իրանում գործողությունները շարունակելու համար

Վաշինգթոնի վարչակազմը ներկայում չի կարծում, որ անհրաժեշտ է Քոնգրեսի թույլտվությունը խնդրել՝ Իրանի դեմ ռազմական գործողությունները շարունակելու համար։ Այս մասին Սպիտակ տան մամուլի քարտուղար Քերոլայն Լիվիթը հայտարարել է մամուլի ասուլիսի ժամանակ։

Նա նշել է, որ «այս հարցում Քոնգրեսի պաշտոնական թույլտվությունն անհրաժեշտ չէ», քանի որ, ըստ ներկայիս վարչակազմի, Միացյալ Նահանգները ներկայումս պատերազմի մեջ չէ Իրանի հետ, այլ պարզապես «լայնածավալ ռազմական գործողություններ» է իրականացնում Իսլամական Հանրապետության դեմ։ «Դա այս պահին անհրաժեշտ չէ», - կրկնել է Լիվիթը։

Օրենքով միայն Քոնգրեսն ունի պատերազմ հայտարարելու լիազորություն Միացյալ Նահանգներում։