«Ռուսաստանը և Ուկրաինան մոտենում են համաձայնության». Թրամփ

ԱՄՆ-ի նախագահ Դոնալդ Թրամփը կարծում է, որ Մոսկվան և Կիևը մոտենում են Ուկրաինայի հակամարտության կարգավորման համաձայնագրի կնքմանը և հույս ունի, որ կկայանա Ռուսաստանի նախագահ Վլադիմիր Պուտինի և Վլադիմիր Զելենսկու հանդիպումը։ «Ես կցանկանայի, որ նախագահ Պուտինը և նախագահ Զելենսկին հանդիպեին և համաձայնագիր կնքեին»,- ասել է ամերիկացի առաջնորդը՝ պատասխանելով այն հարցին, թե ինչի է ցանկանում հասնել նոյեմբերին ԱՄՆ-ում կայանալիք միջանկյալ քոնգրեսական ընտրություններից առաջ։ «Կարծում եմ՝ նրանք հասնում են դրան, բայց ես դա արդեն բավականին երկար ժամանակ է, ինչ ասում եմ»,- հավելել է ԱՄՆ-ի նախագահը՝ անդրադառնալով հակամարտության կարգավորման համաձայնագրի կնքմանը։

«Դուք կհասկանաք, որ ատելությունը չի նպաստում գործարք կնքելուն։ Այս մարդիկ առանձնապես չեն սիրում միմյանց»,- նշել է ամերիկացի առաջնորդը՝ անդրադառնալով Ռուսաստանին և Ուկրաինային։