«Շատերիդ մոտ հարց է առաջանալու՝ արդյոք հնարավոր է քաղաքական պաշտոնից տեղափոխվել ՍԴ». Վլադիմիր Վարդանյան

ՀՀ նախագահը Սահմանադրական դատարանի դատավորի պաշտոնում ընտրելու համար առաջադրել է Վլադիմիր Վարդանյանի թեկնածությունը: Իր ելույթում թեկնածուն նշեց. «Շատերիդ մոտ հարց է առաջանալու՝ արդյոք հնարավոր է քաղաքական պաշտոնից տեղափոխվել ՍԴ, ինչպե՞ս է հնարավոր ապահովել այդ պաշտոնում անաչառությունը և անկախությունը: Ասեմ, որ բացառություն չէ, երբ խորհրդարանի անդամը դառնում է Սահմանադրական դատարանի անդամ... ՀՀ ժողովորդի առջև դատավորը երդվում է ապահովել Սահմանադրության գերակայությունը, գործել անկախ ու անաչառ, հավատարիմ մնալ ՍԴ դատավորի բարձր կոչմանը. այս կանոնների շրջանակներում պետք է գործի ցանկացած անձ՝ անկախ նրանից ո՞ր համակարգից է տեղափոխվում ՍԴ»: