Ուկրաինան բալիստիկ հրթիռով հարվածել է Սանկտ Պետերբուրգի Պրիմորսկ նավահանգստին

Ուկրաինան իր առաջին հեռահար հարվածն է հասցրել Սանկտ Պետերբուրգի մոտ գտնվող Պրիմորսկ նավահանգստին՝ օգտագործելով իր նորագույն FP-9 բալիստիկ հրթիռը։ X սոցիալական ցանցում այ մասին ակնարկել է ուկրաինական Fire Point պաշտպանական ընկերության համասեփականատեր և գլխավոր կոնստրուկտոր Դենիս Շտիլերմանը:
Մասնագետները սա մեկնաբանեցին որպես նոր հեռահար զենքի հաջող կիրառման հստակ ակնարկ։ Մոտ մեկ շաբաթ առաջ Շտիլերմանը հայտարարեց, որ պատրաստվում են նոր բալիստիկ հրթիռի փորձնական արձակումներ դեպի Մոսկվայում և Սանկտ Պետերբուրգում գտնվող թիրախների դեմ։

Շտիլերմանն ավելի վաղ հայտարարել էր նոր հեռահար հրթիռների փորձարկման նախապատրաստությունների մասին։ Հայտնի տեխնիկական բնութագրերի համաձայն՝ FP-9 բալիստիկ հրթիռը կարող է հարվածել թիրախներին մոտավորապես 800-850 կմ հեռավորության վրա և կրել մինչև 800 կգ քաշով մարտագլխիկ։ Այս հեռավորությունը թույլ է տալիս հրթիռին հարվածել ռազմավարական թիրախներին Ռուսաստանի թիկունքում, այդ թվում՝ խոշոր լոգիստիկ և էներգետիկ հանգույցներին։

Պրիմորսկի նավահանգիստը Ռուսաստանի Բալթիկ ծովի խոշորագույն նավթի արտահանման տերմինալներից մեկն է: Հաղորդվում է, որ հարձակումը վնասել է վառելիքի բաք, հրդեհ է առաջացրել, ստիպել է տարհանել անձնակազմը և ժամանակավորապես դադարեցրել է նավթամթերքի բեռնումը: