«Ունենք պետական պարտքի նվազող հետագիծ»․ Վահե Հովհաննիսյան

«Բյուջեով պլանավորած կանխատեսումների համաձայն, պետական պարտքը 2025թ․ ավարտին պետք է բարձր լիներ 50 տոկոսից։ Մենք ունենք ոչ միայն 50 տոկոսից ցածր, այլև նախորդ տարվա նույն ցուցանիշից ցածր՝ 0,7 տոկոսային կետով»,- այսօր ԱԺ ֆինանսավարկային և բյուջետային հարցերի մշտական հանձնաժողովի նիստում հայտարարեց Ֆինանսների նախարար Վահե Հովհաննիսյանը։

«Սա պայմանավորված է 2 հանգամանքով․ առաջինը ՀՆԱ-ի առաջանցիկ աճն է, որը պլանավորածից ավելի է եղել շուրջ 2 տոկոսային կետով, մյուսը՝ հարկերի հավաքագրումը, որը մեր կանխատեսածից ավելի է եղել։ Սա կարծում եմ հիանալի հաջողություն է մեր բոլորի համար և դրա հետևանքով ունենք նաև պարտքի նվազող հետագիծ։ Հուսով եմ՝ առաջիկայում այդ հետագիծը շարունակաբար նվազելու է»,- նշեց նախարարը։