«ՀՀ նոր Սահմանադրությունում առաջարկում եմ վարչապետին ներկայացվող պահանջներին ավելացնել մի տեղեկանքի պահանջ». Հովսեփ Կուբատյան

Երևանի ավագանու «Ազգային առաջընթաց» խմբակցության անդամ Հովսեփ Կուբատյանի ֆեյսբուքյան գրառումը. «Ամենայն լրջությամբ, ՀՀ նոր սահմանադրության տեքստում առաջարկում եմ վարչապետին ներկայացվող պահանջներին ավելացնել մի տեղեկանքի պահանջ, որը, վստահ եմ, չեն կարողանա ստանալ ապագա վարչապետի թեկնածուների մեծամասնությունը։
Սահմանադրության համապատասխան կետի նախագիծ.
ՀՀ վարչապետ կարող է ընտրվել վարչապետ աշխատելուն խոչընդոտող հիվանդությունների և վիճակների բացակայության մասին դիմողին տրվող բժշկական եզրակացությունը։
Վարչապետ աշխատելուն ԽՈՉԸՆԴՈՏՈՂ ՀԻՎԱՆԴՈՒԹՅՈՒՆՆԵՐԻ ԵՎ ՖԻԶԻԿԱԿԱՆ ԹԵՐՈՒԹՅՈՒՆՆԵՐԻ ՑԱՆԿ
1. Մտավոր թերզարգացում
2. Մանիակալ-դեպրեսիվ պսիխոզ
3. Շիզոֆրենիա
4. Հոգեկան խանգարումներ գանգուղեղի օրգանական ախտահարման (ցանկացած ծագման) հետևանքով առաջացած հիվանդությունների և վնասվածքների դեպքում
5. Հոգեկան խանգարումներ սոմատոգեն ծագման, ինչպես նաև սուր և քրոնիկ թունավորումների ու ինֆեկցիաների դեպքում
6. Անձի խանգարումներ (պսիխոպաթիաներ, անձի ախտաբանական զարգացումներ, ախտաբանական ռեակցիաների հակումներ, անձի ակցենտուացիաներ և այլն)
7. Նևրոզներ, ռեակտիվ վիճակներ
8. Ալկոհոլամոլություն և թմրամոլություն»։